BOAS VACACIÓNS DE NADAL!

Meus Pingüi adict@s!!!

Desexo que teñades unhas boas festas e que a volta sigamos así de ben.

Moitos pingüibikos!!!

Martiño e as ganas de mexar...

Ola precios@s!

Polo que vin por un buratiño este libro xa era coñecido por moitas e moitos nen@s do CRA.

O conto que léstedes foi: Cando Martiño tivo ganas de mexar na Noite de Reis.

Foi escrito por Chema Heras e ilustrado por Kiko Dasilva (podedes acceder o blogue do ilustrador premendo sobre a imaxe):

Este conto de Nadal é moi coñecido e a todo o mundo entusiasma. Para que o recordemos ahí vai un enlace de youtube:

O último martes do trimestre!

Amiguiñ@s non me podedes faiar!!!

Xa remata este primeiro trimestre e temos que facelo cunha gran festa na biblioteca.

O conto que vai aparecer é totalmente navideño e ademais un clásico que algunha e algún lle soará. Pero sempre está ben recordar vellos tempos, non?

Espero que sexades moi boas e moi bos, porque pronto chegarán polas portas persoas que traen agasallos. Xa sabedes que o que non faga as cousas o xeito queda sen nada ou con unha chea de carbón para facer churrasco.

Deixo na página do CRA as recomendacións para ler nestas datas, pedide algún conto, cd de música, dvd de películas, tarxeta de descarga musical, bibliográfica ou audiovisual... que non todo vai ser morriñada.

Para ir abrindo boca vou poñer un pequeno video dun ser típico de Galicia, que agasalla a quen ten chea a barriga. Sabades quen é: O APALPADOR!!!

Lorenzo e as panxoliñas de nadal

Ola colegas!!!

Como ben sabedes o martes fumos a biblio darlle duro a lectura.

Para máis sorpresa, houbo dous contos diferentes.

O primeiro deles chegou as miñas mans por casualidade. O orixe é unha biblioteca pública que se atopa en Santiago de Compostela e chámase Anxel Casal. Tedes que visitala é enorme e ten cousas maravillosas.  Pero se é moi lonxe, no propio Concello temos unha fabulosa. A Biblioteca Municipal, que está ubicada xusto no Centro Cultural Fernando Casas de Novoa. (clicade nos nomes e veredes).

Como ía dicindo, este libro tan espacial chámase: Pepper e Poe. Está escrito e ilustrado por Frann Preston - Gannon. Aquí queda unha pequena curta:

Despois seguimos co conto: O cazo de Lourenzo. Onde vimos que a vida non é fácil para todo o mundo, pero si podemos dar unha man a quen o precisa facilitarémoslla un pouco. Este libro foi escrito por Isabelle Carrier. Rememoramos o día adicado as persoas con discapacidade.

O final da sesión, decidimos adicar o Nadal un tempo e participamos no baile. Para chegar as paxoliñas fixémolo mediante os códigos QR do noso cancioneiro. Moi ben o pasamos. Podes descargar dito material na página web da escola. (Na sección de biblioteca ide a recomendacións).

Estou esperando que cheguedes...

Ola bonitiñ@s!!!

Estou desexando que veñades este martes a biblioteca. Teño un novo amigo, a que non adiviñades o seu nome?...

PISTA!!! Comeza por L e acaba por O...

Difícil? REPISTA... É o nome co que chamamos o Sol cando sae. AAA!!!

REQUETEPISTA!!! Manuel María, o gran escritor, escribeu ese nome.  Agora podedes buscado por internet e averígualo. Que chinch@n son!!!

Pois este novo amigo é moi espacial. O seu conto está adicado o que sucedeu o 3 de decembro. Foi o día internacional das persoas con discapacidade. 

Deixovos unha canción para bailar e desfrutar, que todas e todos celebremos este maravilloso día: 

" Eliminemos as barreiras físicas e culturais, construamos sociedades resilientes e procuremos oportunidades que verdadeiramente non deixen a ninguén atrás" Antonio Guterres, Secretario Xeral da ONU.

Saída a Santiago

Ola pingüiadmirador@s!!!

O outro día xa vos avisei da excursión que tiñades a Santiago e según un paxariño amigo meu seica vístedes cousas moi interesantes.

Contoume que o primeiro sitio que visitarades foi o Conservatorio Histórico de Santiago e que alí desfrutástedes dun concerto titulado "Mais que notiñas". Seica había intsrumentos como o piano, a batería, o violonchelo... 

Ata bailástedes un montón. Canto me aledo.

Despois segundo teño entendido, chegástedes ata a Catedral, que envexa!

Máis tarde, acudístides a ver unha gran exposición sobre  Millares, Chillida... Que obras más fabulosas e interesantes. Tedes que convencer as mamás, papás, avoas, avos... a volver a ir a vela. Así tamén lle ides poder explicar todo o que aprendístedes.




Recordade!! Se querelles ver as fotos da excursión so tedes que clicar  no menú onde pon as nosas fotos.

Vai galiña más particular

Ola churras!!!

O martes na biblioteca despois de vir da excursión, vimos un conto moi particular. Era dunha galiña que cometeu un erro moi grave e para librarse, coa axuda dun amiguete, decidiu disfrazarse de mil e unha cousas.

Admiramos moito as ilustración, gustaron!.

O conto chamábase "A gallina churra".

Foi escrito e ilustrado por Xan López Rodríguez.  Un gran escritor galego amante da banda deseñada, é recoñecido en toda España e tamén no extranxeiro.

Xa vedes o ben que o pasamos e que gallinas tan especiais decoramos:

Vaia balbordo temos na biblioteca!

Preciso urxentemente AXUDA!!!

Na biblioteca temos un problemón e que unha galiña anda descoidada e vaia lío formou!!

Non sei en que está pensando, seguro que anda coa cabeza xa no nadal.

Senón vindes ides perder unha boa historia.

As gallinas sempre andan coa cabeza noutro lugar:

Saída escolar o 5 de decembro.

Ola pingüiamig@s!

O 5 de decembro lembrade que tedes excursión. Xa me enterei de que ides ver un espectáculo musical e unha exposición moi interesante. 

Clicade no logo do Cra para ver o aviso na páxina web do centro:

O peido máis grande do mundo.

Recordades o conto do martes? (picade na imaxe).

Entereime que de todas as persoas que alí foron partiron a cacha coa risa. Coma esta amiga miña:

Pero recordades quen escribeu o libro?...

Pois foi Rafael Ordóñez un madrileño de adopción, xa que chegou sendo un bebé de 6 meses dende Valladolid. Viveu nun barrio chamado Carabanchel e alí xogaba e disfrutaba dos seus amigues.

Cando se fixo maior estudiou para mestre e despois adicouse a aprender a contar contos no grupo "CHáCHARA cuentacuentos".

A partir de entón, escribeu moitísimos libros.

A ilustradora deste conto é Laure du Faÿ. Unha especialista en ilustración de contos infantís e ademais en espazos artísticos adicados a infancia.

Tamén me chivaron que o rematar fixéstedes un rato moi peideiro. Que boa tarde!.

Novo conto na pingüibiblio!

AHHHHH! Acabo de erguerme e estou feliz! Moito descansei!

Hoxe soñéi unha cousa moi extrana. Uns animais curiosos tiñan un concurso moi especial, a que non saberes de que?

Dádelle o coco que seguro que non o averiguades.

Pista: (pica nas images)

Acertástedes que conto pode ser?...

Bueno, seguramente será moi oloroso.

Cambio de data

Ola a tod@s!

Quero informarvos que a saída que tiñades o vendes queda posposta para o martes 28. Por fin chegou a choiva!.

Moitos saudiños.

Que bo conto e que boa tarde...

Ola churris!!!

Xa me decatei do moito que atendéstedes o conto proposto para a tarde do martes.

Recordades?... Chamábase: O principio.

No vídeo saía a sua autora, o seu nome era...

Siii! Paula Carballeira, unha estupenda artistaza galega experta en contar maravillosas historias.

Queredes ver un?

A ilustradora do conto é Sonja Danowki  a cal traballa en Alemaña tanto ilustrando contos, como revistas ou caixas promocionais. Gañadora de varios premios internacionais.

Tamén vin que fixéstedes un estupendo xoguete, espero que desfrutarades moito con el.

25 de novembro: día internacional contra a violencia de xénero

Ola, ola!!!

Xa está chegando un día moi importante. 

Este ano xa me enterei que estades convidad@s a unha sesión de contacontos en Sigüeiro, grazas as persoas que traballan no concello. Cando rematedes seguro que ledes o manifesto conmemorativo desta data tan especial.

Para axudar un pouquiño vou mostrarvos unha guía de lectura sobre contos que tratan deste tema.

Espero que leales moito.

PINCHADE NA COR.

O principio do martes...

Ola coleguillas!!!

Xa chega outro martes de diversión e ledicia lectora.

Seguro que as vosas mestras, que son moi previsoras, informaron na escola de que o 20 de novembro é o día universal das nenas e nenos de todo o mundo. Nesta data recordamos os vosos deberes e dereitos, pero tamén reflexionamos sobre que na Terra hai cativ@s que teñen que renunciar a eles.

Por que?...

Pois por moitas causas: non hai persoas que lles axuden nen coiden, non posuen xoguetes nen sequera a veces comida e auga, non poden ir a escola xa que non existen ou están en malas condicións, pode haber guerras...

Na biblioteca imos falar sobre esta temática tan importante estades convidadas e convidados.

Aquí queda un pequeno vídeo para ir abrindo boca:

Moitos bikazos de Pingüi.

Antes de que se me olvide... Unha pista axexador@s!. Tamén faredes un xoguete moi chulo. Que será, será? 

Que boas orellas!

Adiviña, adiviña!

Xa acertástedes cal conto admiramos este martes?

Pois foi Orellas de bolboreta. Creo que gustou e alguén murmurou que quería compralo para telo na sua casiña. I, I, I!!! Que oído tan fino teño.

Este libro foi escrito por Luisa Aguilar  unha escritora asturiana que comezón facendo teatro e gaño premios coa sea actuación e texto da obra: ¡Que viene el lobo!.

A ilustración é de André Neves  artistas brasileiro que sempre se vinculou o mundo d@s nen@s  o fomento da lectura.

Na biblio decoramos a Mara cada un o seu xeito:

Novo martes, aquí agardo

Ola meus pingüiadmirador@s!

Quen vai vir este martes a biblio?????

Conto con todas e todos. 

Imos tratar un tema moi importante. É como se deben tratar as/os nosas/os compañeiros/as. 

Moitas veces hai persoas que nos chaman cousas que non gustan. Pensade, seguro que recordades. A min por exemplo, sempre me apodaban pingüi - mangall@n e as veces pingüi - xigant@n, porque era máis grande que @s demais, e aínda que ría, non fondo non me facía ningunha graza.

Cando é moita xente a que se ri de ti e te trata mal, chámaselle acoso e iso non está ben.

O conto que imos a ter, fala dunha nena que ten este problema, pero é tan lista que atopa unha solución. Sabedes cal era a súa burla?

Que tiña orellas grandes!!! Como senón houbera animais na natureza con orellas así...

O final do vídeo, non sei se abrístedes ben os ollos, pero hai unha pista sobre o conto... Atent@s detectives!

Para rematar, e bailar un pouco, queda un vídeo que fala sobre o tema que imos tratar. Desfrutade a miña saúde, moitos pingüibikos!

Polo San Martiño trompos o camiño...

Que tal?

Este martes pasado pasamolo xenial!

Lembrades que tiñamos un conto fantástico para ler? Chamábase:  Os fantasmas non petan a porta.

Encantounos e aprendimos que hai que coidar os libros, porque este caera nas mans dunha persoa bastante descoidada e escribira con rotulador vermello dentro del. Que peniña!.

Este relato foi escrito por Eulália Canal, unha autora catalana que ademais de libros tamén escribe cancións. Aquí tedes un anaquiño de El joc de la vergonya publicado no libro-cd: Emocions i sentiments.

A ilustradora é Rocio Bonilla, unha barcelonesa que axudou a crear moitos libros que de seguro coñecedes:

 

Pero tamén fixemos unhas buxainas moi especiais, mirade que maravilla!

 

Nova quedada!!!

Que pasaaaaa!!!

Xa pescudei que este venres pasado fixéstedes o Magosto. Que lambóns chourizo, castañas e pan, non?

LARPEIRAAASSSS E LARPEIROOOOOSSSS!!!

Espero que non empacharades e poidades vir a biblioteca. 

Según me contaron. Ides ver unha historia moi intrigante. Por que no título pon unha cousa e por dentro fala de outra totalmente diferente. Interesante non?

Aquí vos deixo a portada, premede sobre ela se queredes ver algo do conto:

Conto convosco!

AGHHHH!!!

Que tal pingüicolegas?

O que vos perdestes o martes!!!.  Houbo sesión de medo...

Lemos dous contos que nos encantaron. Aínda que algún xa era coñecido gustounos moito volver a recordar.

Aquí vos queda un vídeo do momento:

Tedes a información dos autor@s e ilustrador@s dos nosos contos protagonistas.

O primeiro conto foi: A min non me comas! de Margarita del Mazo e ilustrado por Vitali Konstantinov (o mesmo dos 6 barbudos, recoñecédelo?).

Na segunda ronda lemos: Tío Lobo unha adaptación de Xosé Balleretos (sabedes que é un conto popular moi coñecido en Italia e Francia?) e ilustrado por Roger Olmos.

Xa chega o SAMAÍN!!!

Ola!!!

Que tal estades?. Supoño que xa sabedes que está chegando o tempo dos defuntos. 

O momento do medo...

E como non, na nosa biblioteca ímolo festexar. Lendo contos de terror e falando destas datas tan especiais.

En Galicia celebramos o Samaín pero noutros lugares do mundo fan o Halloween, o día dos mortos... Toda esta festa segundo din, ven para conmemorar o remate da recollida das colleitas (castañas, uvas, noces, cabazas...) e dar comezo a época na que as noites son máis longas e temos menos horas de luz. 

Na nosa terra nestas datas a xente visita cemiterios e pon flores, candeas... os defuntos que queren recordar. Ademáis de tallar cabazas e poñelas nos camiños para asustar.

(pica en Pingüi xa verás onde te leva...)

O dito, coleguillas espérovos o martes pola tarde na biblioteca. Vinde preparad@s!!!

Unha cousa máis, se tedes oportunidade e ides o cine aquí tedes unha película que fala sobre o día de defuntos, pero en Mexico, creo que vos pode gustar... Non olvidedes mirar a data de estreo.

Vinde a biblioteca

Que tal andades?

Eu moi ben coas miñas patitas!!! 

Este martes, día das bibliotecas tendes que vir a Vilarromarís. Temos unha gran sorpresa.

Unha voluntaria da nosa escola vai a vir a amosarnos o mundo das abellas. Como ben sabedes, este ano estamos realizando este proxecto escolar.

Para saber máis tedes que acudir amigüiñas/os.

Aquí vos queda o vídeo promocional da experiencia:

Día das bibliotecas

Ola Pingüicoleguillas!!!

Que tal estades?

Eu superfeliz!!! Chegou o día das bibliotecas que se celebra o 24 de outubro.

Comezouse no ano 1997, xa vedes fai 20 anos. A Asociación Española de Amigos e Amigas do Libro Infantil e Xuvenil xunto co Ministerio de Educación, Cultura e Deporte suxeriron esta data. 

Todo parteu por un incendio na Biblioteca de Saraxevo no ano 1992 por culpad un conflicto. Nese momento decatáronse do importantes que son, como axudan as persoas a aprender e a ser todo o mundo igual.

Cada ano unha/un escritora/or ou ilustradora/or fai un pregón e diseña un cartel para coñecer nas Bibliotecas.

Este ano o cartel foi feito por Manuel Marsol e o pregón por Alejandro Palomas.(Premede sobre o cartel para ver o pregón, tamén poderes consultar datos sobre o ilustrador e o escritor nos seus nomes).

BUAAAA!!!

Ola colegas!

Sinto informarmos que esta tarde de martes non imos ter a sesión de animación a lectura. Pero non vos preocupes!!! que as mestras e mestres seguro que vos asesoran nas escola de que libros, revistas...   Son interesantes e que podedes levar en prestamo.

Para que me recordedes aquí queda un conto que podedes na escola e na casa. Espero que o desfrutedes.

Este conto é :

Foi escrito e ilustrado por:  Édouard Manceau. Este autor francés ademais de publicar libros para nenas e nenos tamén crea xogos. Premede sobre a portada ou o nome do autor para ter máis información.

Moitos pingüibikos!!!

Lili

Aquí tedes un aperitivo do conto de Lili. Queda a vosa enteira disposición na biblioteca. Levadeo en préstamo, xa veredes que chulo é!

Lili e a súa historia.

Ola bonitiñ@s!

Polo meu ollo máxico, xa vin que cada día somos máis na biblioteca. Este martes como ven vístedes atopamos a ladroa.

Chamábase Lili e encantáballe a literatura, como a nós. 

O conto do que desfrutamos foi: 

Foi escrito e ilustrado por Emily - MacKenzie. Esta escritora inglesa dende nena medrou preto da natureza e nela deixaba voar a sua imaxinación. (premede sobre a portada e o nome da escritora para ter máis información).

O rematar a lectura desfrutamos conversando sobre o acontecido e fixemos o noso propio títere, para recrear o conto na casa.

Animádevos a vir! Que o pasamos xenial!

Novo día de animación na biblioteca

Ola guapet@ns!

Hoxe volvemos a ter actividades na biblioteca da sede. 

Cando cheguei pola mañán o luns, quedei coa boca aberta!!! 

       

   

Non entendía nada. 

Na biblioteca faltaban case todos os nosos libros. Pero como ben sabedes, as pingüinas e pingüíns non se nos escapa nada.

Polo cal púxenme a investigar e creo que din coa ladroa que os fixo desaparecer. 

Prometeu non volvelo facer e devolver todo o noso tesouro. 

UFFF! MENUDO SUSTO!!! QUE ALIVIO!!!!

Se queredes coñecer esta nova amiga vinde hoxe pola tarde a biblioteca.

Alí estarei! 

AAAAHHHHH! CASE ME ESQUEZO!!!! Miñas e meus expert@s nas letras aquí vos deixo un vídeo para desfrutar.

Tamén podedes ver unha mostra do libro en: 

https://issuu.com/amesapolanormalizacionlinguistica/docs/abecedario_web